நேற்றைய மழை

கருத்த வானவெளியைத்
துழாவிக்கொண்டே
மண்மேல் புரண்டு

நிர்வாண மேனியெங்கும்
பரவிய காமம் போல
பொட்டல் தரையெங்கும்
மேடு பள்ளங்களைத் தழுவி

கணிணி விளையாட்டுத் தெரிந்த
குழந்தைகளுக்கு
காகிதக் கப்பல் செய்யத்
தெரியாமல் போனதே
என்ற ஏக்கத்தோடு

கடைவீதியின் வழியாய்
பாலித்தீன் கவர்களையும்
பேப்பர் கப்புகளையும்
மட்டுமே சுமந்துகொண்டு
புன்முறுவலற்று
சவம்போல்
சென்றுகொண்டிருந்தது
நேற்றைய
மாலை மழைநீர்.

உழவன்

இக்கவிதை வம்சி பதிப்பகத்தாரின் "கிளிஞ்சல்கள் பறக்கின்றன" என்கிற கவிதைத் தொகுதியில் இடம்பெற்றுள்ளது.