Sunday, July 26, 2009

பட்டிக்காட்டில் பிறந்திருந்தால் . . .

உழுது போட்ட நிலத்துக்கு
உழவன் ஊட்டுவான்
உரமாக !

இருந்த இடத்திலேயே
காய்ந்து போனால்
எரிவேன் எருவாக !

வளையல் கையால்
வழிக்கப்பட்டு
குளிர் நீரோடு
கலந்திருப்பேன்
முற்றம் தெளிக்க !

முற்றத்தின் முதுகினிலே
இருவிரலால் மலரெழுதிய
கவிதையாம்
மாக்கோலத்தின் மையத்தில்
அமர்ந்திருப்பேன்
பூசணிப்பூ தாங்கும் கையாக !

கம்பு சோளக்
கதிர்கள் காயும்
களத்திலெழும் புழுதிபடிய
கரிசல்காட்டான்
கரைத்திருப்பான்
களம் தெளிக்க !

வீட்டுத்தோட்டத்தில் நட்டிய
முருங்கைக் கட்டைக்கு
மூதாட்டி வைத்திருப்பாள்
மருதாணியாக !

பிடித்து வைத்து
அருகம்புல் செருகிவைத்தால்
ஆவேன்
அவசர சாமியாக !

இப்படியெல்லாம் மட்டுமல்லாது
எப்படி எப்படியோ
பயன்பட்டிருப்பேன்
பட்டிக்காட்டில் பிறந்திருந்தால் !

மாநகரச் சாலை
ஓரத்தில் பிறந்ததாலே

உதிர்ந்துபோன
மரத்தின் முடிகளோடும்

கசக்கிப்போட்ட
மரத்தின் பேத்திகளோடும்

குப்பை வண்டியிலே
பயணற்றுப் பயணிக்கிற
மாட்டுச் சாணம் நான்
மனமுடைந்து புலம்புகிறேன்
மறுபிறவியாவது
பட்டிக்காட்டில் வேண்டுமென்று !

உழவன்

22 comments:

S.A. நவாஸுதீன் said...

மாட்டுசானத்தின் மனம் பேசும் மொழிகள் அருமை உழவரே

திகழ்மிளிர் said...

அருமை

கார்த்திகைப் பாண்டியன் said...

நல்ல கற்பனை நண்பா

" உழவன் " " Uzhavan " said...

//S.A. நவாஸுதீன்
மாட்டுசானத்தின் மனம் பேசும் மொழிகள் அருமை உழவரே//
 
//திகழ்மிளிர்
அருமை//
 
நன்றி நண்பரே.

ஜகதீஸ்வரன் said...

கவிதை நன்றாக உள்ளது. என் jackpoem.blogspot.com வருகை தாருங்கள். உங்களிடமிருந்து வருகின்ற கருத்துகள் என்னை மென்மேலும் வளர்க்கும் என்பதை மறவாதீர்கள்.

நன்றி...

குடந்தை அன்புமணி said...

இடம் மாறிப் போனதில் அதன் இயல்புத் தன்மையே மாறிவிடுகிறது...

நல்லாருக்கு தோழரே.

sakthi said...

வித்தியாசமான சிந்தனை உழவரே

வாழ்த்துக்கள்

ஆ.ஞானசேகரன் said...

//குப்பை வண்டியிலே
பயணற்றுப் பயணிக்கிற
மாட்டுச் சாணம் நான்
மனமுடைந்து புலம்புகிறேன்
மறுபிறவியாவது
பட்டிக்காட்டில் வேண்டுமென்று !//

ஆகா... அருமை நல்லாயிருக்கு தோழா

" உழவன் " " Uzhavan " said...

//ஜகதீஸ்வரன்
கவிதை நன்றாக உள்ளது. என் jackpoem.blogspot.com வருகை தாருங்கள். உங்களிடமிருந்து வருகின்ற கருத்துகள் என்னை மென்மேலும் வளர்க்கும் என்பதை மறவாதீர்கள்.
நன்றி... //

நன்றி நண்பா.. நிச்சயம் உங்கள் தளத்திற்கு வருகிறேன்.

" உழவன் " " Uzhavan " said...

//குடந்தை அன்புமணி
இடம் மாறிப் போனதில் அதன் இயல்புத் தன்மையே மாறிவிடுகிறது...
நல்லாருக்கு தோழரே. //

//கார்த்திகைப் பாண்டியன்
நல்ல கற்பனை நண்பா //

நன்றி தோழர்களே :-)

அமிர்தவர்ஷினி அம்மா said...

சாணிக்கும் முக்கியத்துவமா !

நல்ல கவிதை

" உழவன் " " Uzhavan " said...

//sakthi
வித்தியாசமான சிந்தனை உழவரே
வாழ்த்துக்கள்//

வாழ்த்துக்கு நன்றி தோழி.

" உழவன் " " Uzhavan " said...

//ஆ.ஞானசேகரன்
ஆகா... அருமை நல்லாயிருக்கு தோழா //

நன்றி நண்பா.

துபாய் ராஜா said...

அருமை.அருமை.

மனித மனம் மட்டுமில்லை.மாட்டின் சாணம் கூட மறுபிறவி எடுக்க நினைப்பதே பட்டிக்காட்டின் பெருமை.

" உழவன் " " Uzhavan " said...

//அமிர்தவர்ஷினி அம்மா
சாணிக்கும் முக்கியத்துவமா !
நல்ல கவிதை //
 
என்ன அமித்துமா இப்படி சொல்லிட்டீங்க. :-)
சாணி நம்ம வாழ்க்கையில எவ்வளவு முக்கியமான ஒன்னு. சாணி பற்றி ஒரு தனிப் பதிவே போடலாமே.

" உழவன் " " Uzhavan " said...

//துபாய் ராஜா
அருமை.அருமை.
மனித மனம் மட்டுமில்லை.மாட்டின் சாணம் கூட மறுபிறவி எடுக்க நினைப்பதே பட்டிக்காட்டின் பெருமை. //
 
வருகைக்கும் கருத்துக்கும் மிக்க நன்றி.

உமா said...

மிக மிக அருமை.வாழ்த்துக்கள்.

" உழவன் " " Uzhavan " said...

//உமா
மிக மிக அருமை.வாழ்த்துக்கள். //
 
நன்றிங்க :-)

Starjan ( ஸ்டார்ஜன் ) said...

இனிய நண்பர்கள் தின வாழ்த்துக்கள்

" உழவன் " " Uzhavan " said...

//Starjan ( ஸ்டார்ஜன் )
இனிய நண்பர்கள் தின வாழ்த்துக்கள் //

மிக்க மகிழ்ச்சி நண்பர் ஸ்டார்ஜன் அவர்களே..

உங்களுக்கும் மற்றும் நண்பர்கள் அனைவருக்கும் இனிய நண்பர்கள் தின வாழ்த்துக்கள்!

ராமலக்ஷ்மி said...

வெகு நன்று.

//மறுபிறவியாவது
பட்டிக்காட்டில் வேண்டுமென்று !//

உண்மைதான், பட்டிக்காட்டில் கொண்டாடப் படுவது பட்டணத்தில் கேட்பாரற்று. நல்ல கவிதை.

PPattian : புபட்டியன் said...

அழகு..