பட்டாம்பூச்சி விருது - சுமஜ்லாவின் "என் எழுத்து இகழேல்"

அன்பின் தோழர்களே.. தோழிகளே.. வணக்கம்!

வலையுலகிற்கு வந்த குறுகிய நாட்களிலேயே, தனக்கென ஒரு தனி இடத்தைப் பிடித்த அன்புத் தோழி சுமஜ்லாவின் "என் எழுத்து இகழேல்" வலைப்பூவில் ஒரு பட்டாம்பூச்சியை அமரவைத்து, அழகு சேர்க்க வேண்டுமென ஆசைப்படுகிறேன். சிறுகதை, தொடர்கதை, கவிதை என எல்லா திறமையையும் கொண்ட ஒரு ஆல்ரவுண்டர்தான் இவர்.

இவரின் "சாயபு வீட்டு சரித்திரம்" எனும் தொடரானது "தமிழ்க்குடும்பம்" எனும் தளத்தில் வெளிவந்து கொண்டிருக்கிறது.

அதுமட்டுமல்லாது, இவரின் அரபு சீமையிலே எனும் தொடர், பழம் பெரும் இதழான நர்கிஸில் தொடராக வெளிவரப் போகிறது.

கவிஞர் சுமஜ்லா அவர்கள் ஒரு உடனடிக் (Instant) கவிஞரும் கூட. ஏதாவது ஒரு தலைப்பைக் கொடுத்தவுடனேயே அல்லது ஒரு புகைப்படத்தைப் பார்த்த உடனேயே அது பற்றி உடனடியாக கவி பாடுவதில் வல்லவர் என்றே கூறலாம்.

இப்படி பல சிறப்புக்களைப் பெற்றவரும், எனது வலையுலகத் தோழியுமான சுமஜ்லாவின் "என் எழுத்து இகழேல்" வலைப்பூவில், எனது இரண்டாவது பட்டாம்பூச்சியைப் பறக்கவிடுவதில் பெருமகிழ்வு கொள்கிறேன்.

நண்பர் சொல்லரசன் அவர்களிடமிருந்து நான் பெற்ற பட்டாம்பூச்சி விருதிற்குப் பின்னர், எனது முதல் பட்டாம்பூச்சி விருதை, என் மனம் கவர்ந்த கவிஞர் மண்குதிரை அவர்களுக்குக் கொடுத்திருந்தேன். இப்போது இரண்டாவது பட்டாம்பூச்சி விருதை சுமஜ்லாவின் "என் எழுத்து இகழேல்" வலைப்பூவிற்கு அளிப்பதோடு மட்டுமல்லாமல், மேலும் மேலும் இவர்களின் எழுத்துக்கள் இவர்களுக்கு புகழ் சேர்க்கவேண்டும் எனவும் வாழ்த்துகிறேன்.

அன்புடன்
உழவன்

(படிச்சிட்டு மட்டும் போயிறாதீங்க.. உங்க ஓட்டை தமிழ்மணம் மற்றும் தமிழிசுலயும் போட்டுட்டு போங்க)