ஓசிப்பெட்டி

தெனமும் மத்தியானம்
சமையல் நிகழ்ச்சி வந்திரும்.
சாஸ் சீஸ்னு என்னென்னமோ சொல்லுவான்.
 
ஓலக் கொட்டான்ல இருந்த
ரெண்டு தக்காளில
ஒன்ன நாளைக்குனு எடுத்து வச்சிட்டு,
இன்னொன்னுல ரசம் வச்சி
கஞ்சி குடிக்கிற நேரத்துல
இதப் பார்க்கும்போது,
தூக்கிப் போட்டு உடச்சிரலாம்னு தோணும்.
 
பாவம்.. அது என்ன பண்ணும்
ஓசியாக் குடுக்குறாங்கன்னு
ஓடிப்போயி வாங்கி வந்த அவரச் சொல்லனும்.
 
உழவன்